Bjossi Greifi - REVIEWS / RECOMMENDATION

  CLICK HERE  to send in a Review

I'm sorry, but all these wonderful reviews are only available in Icelandic at the moment.
But hey, you can use google translate to translate to so many language now. Why not give it a try?

Brúðkaupsveisla í Keflavík
Bjössi kom og spilaði í brúðkaupi hjá okkur og var vægast sagt frábær í alla staði. Hann var með gott og fjölbreytt úrval af lögum og gat tekið öll þau óskalög sem beðið var um. Mun ekki hika við að fá hann aftur. Þakka kærlega fyrir mig og mína.

Sveinn og Viktoría

Starfsmannagleði IKEA
Bjössi spilaði á starfsmannagleði IKEA. Hann lagði metnað í lagavalið og las vel fjölbreytta hóp starfsmanna hjá okkur. Við mælum hiklaust með Bjössa, mikill fagmaður á ferð!

Fjóla Kristín

50.ára afmælisparty
Bjössi Greifi kom og hélt uppi fjörinu í 50.ára afmælispartyi mínu og sló rækilega í gegn með frábæru lagavali og las gestina vel .Mæli 100% með honum og ekki spurning að ég á eftir að ráða hann aftur :)

Inga María Hansen

Brúðkaupsveisla
Bjössi var veislustjóri í brúðkaupinu okkar auk þess sem hann spilaði og söng frameftir kvöldi. Hann sá um öll tæknimál og bara reddaði því sem þurfti að redda. Stóð sig alveg frábærlega, fær 10 frá okkur hjónunum og margir gestir búnir að hafa orð á því hve frábær hann var. Topp meðmæli!

Lára

Brúðkaupspartý í Mosó
Bjössi er algjör snillingur, hann er þvílíkt flottur tónlistamaður sem náði upp frábærri stemmningu. Allir okkar gestir voru í banastuði og náði hann til allra aldurshópa, en í veislunni okkar voru gestir frá 20 til 92 ára. Takk Bjössi fyrir að hjálpa okkur að gera partýið okkar svona skemmtilegt og eftirminnilegt :)

Ásta og Jói

Haustfagnaður Íslandsbanka.
Mæli hiklaust með Bjössa Greifa, hann kom sá og sigraði á haustfagnaði Útibúaþjónustu Íslandsbanka...við vorum í litlum sal en það skipti ekki máli það gat engin setið kyrr, á þriðja lagi voru allir farnir að dansa og það var dansað þar til yfir lauk. Hann er snillingur strákurinn, lagavalið flott og svo er hann bara svo flottur og elegant.

Anna María Sigurðardóttir

Brúðkaupsveisla í Reykjavík
Bjössi skapaði rólega og yndislega stemmingu yfir borðhaldi en náði svo öllum á dansgólfið fljótlega eftir að því lauk. Hann var eins og heil hljómsveit. Mæli hiklaust með honum.

Jóhanna Gunnarsdóttir

Fertugsafmæli í Reykjavík
Bjössi kom, sá og sigraði. Hann náði öllum út á dansgólfið, hópi sem var frá tvítugu upp á rúmlega 60 ára, geri aðrir betur. Hann fær topp meðmæli frá mér og ekki skemmdi að hann kunni ÖLL lögin.

Ingibjörg Salóme Sigurðardóttir

Smalaball fyrir Aðföng
Mig langar til að þakka ykkur fyrir frábæra þjónustu við okkur. Þið eruð virkilegir fagmenn í gegn, allt stóðst og var lykillinn að vel heppnuðu kvöldi hjá okkur í Aðföngum. Aftur, takk kærlega fyrir frábæra vinnu og hjá okkur fáið þið þau allra bestu meðmæli sem hægt er að gefa.

Lárus Óskarsson

50 ára afmælispartý
Bjössi er ekki bara trúbador Bjössi er nefnilega líka alveg ótrúlega skemmtilegur og mikill tónlistarsnillingur! Hann kom og spilaði í afmælinu mínu enda eini tónlistarmaðurinn sem mér datt í hug eftir að hafa verið í nokkrum góðum partýum með honum og einhvern vegin hefur hann náð svo vel upp stemmingu og lesið salinn vel. Móðir mín segir "þetta er skemmtilegasta partý sem ég hef verið í" og hún hefur farið í þau mörg! Systir mín og tengdasonur komu með óskalögin og Bjössi átti ekki erfitt með uppfylla þau! Að fá hann í partýið eða veisluna er ávísun á góða stemmingu fyrir alla aldurshópa. Svo á hann margar góðar sögur og fyndna brandara í pokahorninu sem hressir og kætir. Ég mæli 100% með Bjössa Greifa, fagmaður fram í fingurgóma. Takk fyrir mig snillingur!

Guðfinna Ármannsdottir

Árshátíð Rúmfatalagersins
Vill þakka Bjössa fyrir flotta veislustjórn á árshátíð Rúmfatalagersins. Hann kom inní dæmið 2 vikum fyrir árshátíð eftir að annar afbókaði sig. Og stóð sig frábærlega þrátt fyrir nauman tíma. Náði vel til fólks. Mæli hiklaust með honum.

Jobbi Smári Brynhildarson

Árspartý starfsfólks Hlíðaskóla
Bjössi kom og hélt uppi stuðinu í árspartýi hjá starfsfólki Hlíðaskóla. Hann spilaði samfleytt í næstum tvo og hálfan klukkutíma og hefði örugglega haldið áfram í aðra tvo klukkutíma ef við hefðum haft salinn lengur! Virkilega góður hljóðfæraleikur og söngur og Bjössi áttaði sig algjörlega á því hvaða tónlist hentaði hópnum best, dansgólfið var aldrei autt. Við mælum eindregið með Bjössa og ég er strax farin að velta fyrir mér hvort ég geti ekki ráðið hann til að spila á fleiri viðburðum, eins og t.d. stórafmælum í fjölskyldunni!

Sigurrós Jóna Oddsdóttir skemmtinefndarkona

Algjör snilld
Takk fyrir okkur. Frábær trúbador sem svo sannarlega er hægt að mæla með, hélt uppi stuði og stemmningu hjá hópnum ?? Bókum pottþétt aftur í næsta partý.

Birta

Starfsmannaskemmtun
Bjössi stendur alltaf fyrir sínu. Þetta er í annað sinn sem við fáum hann til okkar og erum alltaf jafn ánægð. Hann kann klárlega að halda uppi fjörinu. Öll samskipti voru skjót og fagmannleg. Það skemmtu sér allir konunglega. Mæli hiklaust með honum :)

Heiðdís Haukdal

Takk fyrir okkur
Við nýbökuðu hjónin viljum þakka þér kærlega fyrir frábæran fluttninginn í brúðkaupi okkar. Þú slóst í gegn gestirnir mjög ánægðir, frábær stemmning og mikið dansað. Takk fyrir okkur meistari.

Eiríkur Gíslason

Árshátíð Keilis
Við fengum Bjössa Greifa til að vera veislustjóri á árshátíð Keilis og sjáum ekki eftir því. Fagmaður fram í fingurgóma, öflugur, viðkunnalegur, hress og góður í að lesa salinn. Frábært lagaval og alveg magnaður dansleikur sem þessi eini maður hristi fram úr erminni - allur salurinn dansaði frá fyrsta tóni! Bjössi stóð 110% undir okkar væntingum - takk fyrir okkur!

Sigrún Svafa Ólafsdóttir

Fimmtugsafmæli
Bjössi er náttúrulega bara snillingur. Hann er ótrúlega klár í að lesa hópinn (sem var ca 80-90 manns) og velja lög sem henta tilefninu. Hann byrjaði frekar rólega og gaf í þegar leið á kvöldið og fjör færðist í mannskapinn. Hann náði öllum á dansgólfið og var þvílíkt sungið og tjúttað. Hann var svo klappaður upp nokkrum sinnum ... Margir höfðu orð á því við mig hvað hann hefði verið frábær og einn gestur spurði "Hvernig getur eiginlega einn maður hljómað svona eins og heil hljómsveit?" og það var akkúrat málið :) Bjössi, takk aftur fyrir okkur ... þvílík stemning ... hlakka til næst!

Inga Steinunn veislustjóri

Brúðkaupsveisla í Reykjavík
Fékk Bjössa til að koma og spila í brúðkaupi bróður míns. Hann sló heldur betur í gegn enda voru allir á dansgólfinu. Hann spilaði bara góð lög sem höfðuðu til allra og var mikið dansað og sungið. Veislan hafði ekki getað verið svona skemmtileg án hans og brúðhjónin voru í skýjunum. Ég mæli því hiklaust með honum Bjössa.

Sara Ósk Kristjánsdóttir

Frábær frammistaða
Ég get mælt með Bjössa trúbador heilshugar, hann er mjög þægilegur í allri umgengni og er frábær tónlistarmaður. Bjössi kann alla helstu slagaranna og syngur mjög vel. Í veislunni minni kom hann inn á tilsettum tíma setti upp allar græjurnar og byrjaði svo á að kynna sig og sagði nokkra brandara. Þegar fólk vildi fá orðið eða syngja þá dró hann sig í hlé eða spilaði undir. Það er engin vafi ég gef honum hæðstu einkunn og mæli með honum við alla mína vini.

Margrét Elíasdóttir

F-in fimm
Við hjónin fögnuðum þremur áföngum: 40 ára afmæli, útskrift og innflutningi á nýtt heimili. Með það í huga að láta áfangana ekki líta út eins útvarp Saga væri gimrandi um allt hús fannst okkur tilvalið að finna trúbador til að keyra pakkið í stuð. Við fengum Bjössa til verks eftir að hafa fundið hann á veraldarvefnum. Bjössi mætti galvaskur virkilega flottur í tauginu sjálfsögðu með hattinn og setti upp hljóðbúnaðinn á c.a 5 mín og hóf leik. Það sást og heyriðst strax að um fagmann væri að ræða bæði í söng og á gítar. Það skipti ekki nokkru máli hvaða lög fólk vildi heyra Bjössi keyrði lagið í gang án fyrirhafnar. Er ég skrifa þessi orð þá hlakkar mig orðið til að halda uppá 50 árin. Held í vonina um að geta fengið kappann til leiks því "enginn veit sína æfi alla". Vil því hvetja fólk til að halda uppá áfangana og í guðana bænum AMEN slepptu að velta fyrir þér hvort þú eigir að fá meistara Bjössa til að sjá um stuðið "það mun aldrei klikka"!. Þetta er besta ákvörðun sem tekin hefur verið á árinu af okkur hjónum því hún lifir með vinum, kunningum og ættingjum. F-in fimm: Fagmaður Flottur Fallegur Fyrirhafnarlaus o.f.l.

Helgi Þórisson

Árshóf Meitils - GT Tækni
Við hjá Meitli - GT Tækni á Grundartanga þökkum Bjössa Greifa kærlega fyrir skemmtunina í árshólfi fyrirtækisins. Bjössi sá um veislustjórn fyrir okkur 2015 og þegar kom að því að velja veislustjóra í ár komu upp eindregnar óskir um að fá hann aftur. Hann stóð sannarlega undir nafni, hélt uppi stemmingu allt kvöldið með tali og tónum. Kærar þakkir frá okkur Petrína Ottesen

Petrína Ottesen

Starfsmannagleði Íslandsbanka
Bjössi trúbador er með fjölbreyttan lagalista og kann að lesa salinn. Hann kann að halda uppi stuði ef það er krafan og einnig að búa til ljúfa og notalega stemningu ef því er að skipta. Mæli hiklaust með Bjössa.

Gunnar Reyr Sigurðsson

Innflutningspartý í Mosfellsbæ
Bjössi sló í gegn í garðveislunni, okkar eigin útihátíð á pallinum :) Get svo sannarlega mælt með Bjössa trúbador í hvaða veislur sem er! Faglegur í alla staði og lagavalið mjög fjölbreytt.

Gyða Hlín Björnsdóttir

Fertugsafmæli/útskriftarpartý
Ég fann Bjössa fyrir slysni við leit á netinu. Mér leist bara vel á hann eftir skoðun síðunnar og hafði samband. Hann var mjög fljótur að svara og bara afskaplega þægilegur í öllum samskiptum og skemmtilegur. Allt sem hann sagði stóðst hundrað prósent og mætti hann tímanlega svo við gátum farið yfir kvöldið. Frábær skemmtikraftur, spilar lög sem allir kunna og allir afskaplega ánægðir með hann, og ekki spillir hvað hann er fyndinn. Þarna var fólk á öllum aldri, frá 16 til 80 ára og skemmtu allir sér vel. Ég spurði nokkra vini mína af hverju engar myndir væru af þeim úr myndabásnum og sögðu þau að trúbadorinn hefði verið svo skemmtilegur og þau ekki viljað missa af neinu að þau hefðu bara gleymt því! Mæli 100% með honum og er strax farin hugsa hvenær ég get haldið viðburð aftur og fengið hann!

Eydís Ósk Indriðadóttir

Flottur söngvari með flottlög
Var á Arshátíð Vörumiðlunar í Stykkishólmi þann 13-15 okt þar sem Bjössi var að spila mjög flottur og með góð lög Takk fyrir mig

Margrét Þorsteinsdóttir

Útskriftarafmæli
Bjössi kom og hélt uppi stemmingu og fjöri hjá okkur fyrrum útskriftarnemum frá Bifröst. Hann sá um veislustjórn, fjöldasöng og meira að segja lék hann fyrir dansi. Hann náði vel til hópsins og hélt uppi fjörinu allt kvöldið. Takk fyrir frábært kvöld og gott samstarf við undirbúninginn. Við í nefndinni mælum hiklaust með Bjössa. Ingibjörg Steinunn Ingjaldsdóttir, Ingólfur Steingrímsson, Ragnheiður Björk Guðmundsdóttir og Sæmundur Guðmundsson

Útskriftarafmæli frá Háskólanum á Bifröst

40 ára afmæli á Eyrarbakka
Bjössi Greifi gerði góða veislu betri. Mjög þægilegur í samskiptum, allt stóðst sem hann sagði. Fagmennska í fingurgómum og hann hélt uppi góðu stuði langt fram á nótt. Líklega var hápunkturinn þegar hann hlóð í trúbador útgáfu a "stendur framan við sviðið", eftir beiðni frá afmælisbarninu. Takk Bjössi, ertu ekki örugglega farin að taka við bókunum 2028?

Erling Tómasson

Tvö fimmtugs afmæli
Við hjónin vorum sérlega ánægð með innkomu Bjössa í fimmtugsafmælisveislurnar okkar sem við héldum með árs millibili heima hjá okkur. Trúbadorinn setti skemmtilegan svip á samkvæmin og skapaði góða stemningu enda prógrammið bæði fjölbreytt og fjörugt. Við getum svo sannarlega mælt með Bjössa til að lyfta veislunni upp á skemmtilegra plan.

Gunnar Guðni og Sigríður Hulda

Árshátíð hjá Mjólku og Vogabæ
Við hjá Mjólku og Vogabæ viljum þakka Bjössa fyrir frábært kvöld í alla staði. Við erum með mjög blandaðann hóp, meirihlutinn hjá okkur er fólk frá Póllandi og Litháen, svo við vorum mikið að spá hvernig skemmtiatriði við gætum haft. Bjössi reddaði því mjög vel, hann var með nokkur skemmtiatriði sem hann hafði á slide showi. Hann spilaði meðan borðað var og tók atriðin milli rétta. Hann kom góðri stemmningu á um leið og hann mætti. Þetta var alveg frábært kvöld, allir í skemmtinefndinni gátu slakað á allt kvöldið því Bjössi sá um þetta allt með snilldarbrag. Við mælum hiklaust með Bjössa.

Þóra Kristín Steinarsdóttir

Starfsmannagleði JCC
Bjössi kom og spilaði á sumargleðinni okkar í JCC. Fagmaður fram í fingurgóma. Las hópinn ótrúlega vel, byrjaði rólega og endaði með stæl, allir farnir að dansa :) Spilar nákvæmlega allt sem manni dettur í hug og er skemmtilegur sögumaður. Mæli 100% með honum í allt!

Ósk

Afmælis partý
Bjössi kom heim og spilaði fyrir mig í afmælis partýi og allir mjög ánægðir með kallinn og ég mun sko bóka hann aftur, mikið hlegið og mikið gaman. Takk æðislega vel fyrir mig Bjössi....

Ragnheiður Friðriksdóttir

Frábær skemmtikraftur
Bjössi hélt utan um árshátíðina okkar á faglegan og skemmtilegan hátt. Hann skaffaði hljóðkerfi og átti gott samstarf með skemmtinefndinni og hélt utan um öll tæknimál svo allt gekk snurðulaust fyrir sig. Bjössi er frábær í að ná til fólksins hvort heldur er með bröndurum, eða söng. Hann galdraði fram ljúfa stemming yfir borðhaldinu og svo gargandi stuði seinna um kvöldið. Bjössi fær mín bestu meðmæli.

Ólöf

Brúðkaupsveisla á Hilton Hótel
Við giftum okkur 27. júlí s.l. og vorum með veislu á Hilton hótel og ákváðum að ráða Bjössa. Hann hafði tíma, kom og sá fyrir öllu sjálfur, spilaði bara góða tónlist byrjaði rólega og tók smá fútt í endann fólk dansaði og skemmti sér og sumir sögðu að þetta hafði verið skemmtilegasta brúðkaup sem þau höfðu verið í. Bjössi spilaði svo lengur en umsamið og eftir að við brúðarhjón vorum farin upp í herbergi.
Þúsund þakkir fyrir góðar stundir.

Guðjón Palsson

Leikskólinn Rjúpnahæð
Einstaklega gaman að fá Bjössa í heimsókn til okkar í Rjúpnahæð. Börnunum þótti frábært að syngja og dansa við tónlistina hans. Skemmtileg upplifun og fjölbreytt lagaval. Alltaf gaman að fá Bjössa í heimsókn til okkar, takk fyrir okkur.

Hrönn leikskólastjóri

Árshátið Tern Systems
Árshátíðarnefnd Tern átti fund með Bjössa nokkrum vikum fyrir árshátíð. Hann skrifaði hjá sér púnkta um fyrirtækið og starfsmenn, mætti svo 2 klst fyrir árshátíðina, stillti upp, talaði við starfsfólk hótels og eldhúss og átti svo staðinn þegar árshátíðin hófst enda var hann eins og einn af okkur. Hann er með allt á hreinu, hefur góðan húmor, nær fólki út í sal og tónlistin hans er frábær, nokkuð sem ég bjóst ekki við, ég hélt það þyrfti heila hljómsveit til að ná upp svona góðri stemningu. Með kveðju, Kári Harðarson hjá Tern Systems.

Kári Harðarson